సింగినాదం - జీలకర్ర

సింగినాదం - జీలకర్ర

కొన్ని సందర్భాల్లో
మనకు తెలియకుండానే
తెలుగులో కొన్ని నానుడులు
అసంకల్పితంగా
అనేస్తూ ఉంటాము....

కాని వాటి వెనుక
ఉన్న అసలు
అర్ధం చాలామంది కి
తెలియదు...

ఈ రోజు
సింగినాదం జీలకర్ర
అనే నానుడి వెనుక
దాగి ఉన్న అంతరార్ధం
తెలుసుకుందాం....

ఒకప్పుడు
ఓ రాజ్యంలో
జీలకర్రకు
విపరీతమైన
కొరత ఏర్పడింది...

ప్రజలందరూ
జీలకర్ర లేక చాలా
ఇబ్బందులు పడ్డారు..

ఇదే అదనుగా
వ్యాపారస్తులు
ఇతర దేశాల నుండి
జీలకర్రను దిగుమతి
చేసుకుని ఎక్కువ రేట్లకు
అమ్మడం మొదలు పెట్టారు....

ఈ విషయమై ప్రజలందరూ
తమ గోడును రాజు గారికి
విన్నవించుకున్నారు...

అప్పుడు రాజు గారు
మంత్రివర్గం తో
అత్యవసర సమావేశం
ఏర్పాటు చేసి
విదేశాలనుండి ఓడల
మీద జీలకర్రను తెప్పించి
మధ్యవర్తుల ప్రమేయం
లేకుండా డైరెక్ట్ గా ప్రజలకు
అమ్మే ఏర్పాటు చేశారు...

అయితే జీలకర్ర తో
కూడిన ఓడ...
రేవుకు చేరుకున్నవెంటనే
ఆ విషయం ప్రజలకు
తెలియచేయడానికి
ఓ ఏర్పాటు చేశారు...

అదే శృంగ నాదం...

శృంగ నాదం
అంటే ఒక సంగీత
వాయిద్య పరికరం...

ఒక విధంగా ఇది
బాకాను పోలి ఉంటుంది....
ఓడ,  రేవుకు చేరగానే
శృంగనాదం గట్టిగా ఊదడం
ద్వారా ప్రజలకు ఆ విషయాన్ని
తెలియ చేసెడి వారు...

ప్రజలు వెంటనే
ఓడ రేవుకు చేరుకుని
డైరెక్ట్ గా జీలకర్రను
కొనుక్కునే వారు...

మధ్య దళారుల
ప్రమేయం
లేక పోవడంతో
జీలకర్ర తక్కువ
రేటుకి లభించి ప్రజలు
ఆనందించారు...

ఇక అసలు
విషయానికి వస్తాను...

జీలకర్ర లేకపోవడం వల్ల
జనజీవనం అస్త వ్యస్తం
అయ్యే అంత పరిస్థితి
ఏమి ఉండదు...

అయినా రాజు గారు
దానికి అధిక ప్రాధాన్యాన్ని
ఇచ్చి లేనిపోని హడావిడి చేశారు...

అందుకే అప్పటి నుండి
ఎవరైనా అనవసర
విషయాలకు అధిక
ప్రాధాన్యాన్ని ఇస్తే

ఆ చేశావులే
శృంగానాదం జీలకర్ర
అనడం పరిపాటి అయినది...

కాలక్రమంలో
శృంగానాదం
కాస్త సింగినాదం గా
మారి....

సింగినాదం జీలకర్ర గా
మారింది...

ఈ విషయం చెప్పడానికి
నేను ఇంత మేటర్ ను
తెలుగులో తయారు చేసి
మీకు వాట్సాప్ లో
పోస్ట్ చేయడం అంత
అవసరం అంటారా...

సింగినాదం
జీలకర్ర కాకపోతేను....

తెలుగు సంవత్సరములు : Year names in Telugu & corresponding English years

అరవై తెలుగు సంవత్సరముల పేర్లు వాటి ఆంగ్ల సంవత్సరములు :

*( 1867, 1927,1987,)*: ప్రభవ

*(1868,1928,1988)*: విభవ
*(1869,1929,1989)*: శుక్ల
*(1870,1930,1990)*: ప్రమోదూత
*(1871,1931,1991)*: ప్రజోత్పత్తి
*(1872,1932,1992)*: అంగీరస
*(1873,1933,1993)*శ్రీముఖ
*(1874,1934,1994)*: భావ
*(1875,1935,1995)*: యువ
*(1876,1936,1996)*: ధాత
*(1877,1937,1997)*:  ఈశ్వర
*(1878,1938,1998)*: బహుధాన్య
*(1879,1939,1999)*: ప్రమాది
*(1880,1940,2000)*: విక్రమ
*(1881,1941,2001)*: వృష
*(1882,1942,2002)*: చిత్రభాను
*(1883,1943,2003)*: స్వభాను
*(1884,1944,2004)*: తారణ
*(1885,1945,2005)*: పార్థివ
*(1886,1946,2006)*:  వ్యయ
*(1887,1947,2007)*: సర్వజిత్
*(1888,1948,2008)*: సర్వదారి
*(1889,1949,2009)*: విరోది
*(1890,1950,2010)*: వికృతి
*(1891,1951,2011)*: ఖర
*(1892,1952,2012)*:  నందన
*(1893,1953,2013)*: విజయ
*(1894,1954,2014)*: జయ
*(1895,1955,2015)*: మన్మద
*(1896,1956,2016)*: దుర్ముఖి
*(1897,1957,2017)*: హేవిళంబి
*(1898,1958,2018)*: విళంబి
*(1899,1959,2019)*: వికారి
*(1900,1960,2020)*: శార్వరి
*(1901,1961,2021)*: ప్లవ
*(1902,1962,2022)*: శుభకృత్
*(1903,1963,2023)*: శోభకృత్
*(1904,1964,2024)*: క్రోది
*(1905,1965,2025)*: విశ్వావసు
*(1906,1966,2026)*: పరాభవ
*(1907,1967,2027)*: ప్లవంగ
*(1908,1968,2028)*: కీలక
*(1909,1969,2029)*: సౌమ్య
*(1910,1970,2030)*:  సాదారణ
*(1911,1971,2031)*: విరోదికృత్
*(1912,1972,2032)*: పరీదావి
*(1913,1973,2033)*: ప్రమాది
*(1914,1974,2034)*: ఆనంద
*(1915,1975,2035)*: రాక్షస
*(1916,1976,2036)*: నల
*(1917,1977,2037)*: పింగళ
*(1918,1978,2038)*: కాళయుక్తి
*(1919,1979,2039)*: సిద్దార్థి
*(1920,1980,2040)*: రౌద్రి
*(1921,1981,2041)*: దుర్మతి
*(1922,1982,2042)*: దుందుభి
*(1923,1983,2043)*: రుదిరోద్గారి
*(1924,1984,2044)*: రక్తాక్షి
*(1925,1985,2045)*: క్రోదన
*(1926,1986,2046)*: అక్షయ

పిచ్చుక మూడు నీతి సూక్తులు : Telugu Short Story

*పిచ్చుక మూడు నీతి సూక్తులు*

అనగనగా ఒక రోజు ఒక వేట గాడి చేతికి ఒక చిన్న పక్షి(పిచ్చుక) దొరికింది . అతడు దానిని చంపబోతుంటే ఆ పక్షి అతనితో ఇలా అంది.

"అయ్యా నీవు ఎన్నో పెద్ద పెద్ద మృగాలను జంతువులను వేటాడి ఉంటావు, నా లాంటి అల్ప ప్రాణిని చంపటం వల్ల నీకేమి ఉపయోగం?

నీ పిడికిలి పట్టేంత కూడా లేని నన్ను చంపి తింటే నీ ఆకలి ఎలాగూ తీరదు. దయచేసి నాకు ప్రాణ బిక్ష పెట్టి నన్ను వదిలి వేయి.

అందుకు ప్రతి ఫలంగా నేను నీకు అమూల్యమయిన మూడు నీతి సూక్తులు చెప్తాను అవి నీ జీవితాన్ని ఉద్ధరించుకోవడానికి, నీవు సంతోషం గా సుఖంగా జీవించడానికి  ఎంతగానో  ఉపయోగపడతాయి."    

అది విన్న వేటగాడు క్షణం అలోచించి, నిజమే ఈ పిచ్చుకని చంపటం వల్ల ఉపయోగము లేదు అనుకుని, "సరే వదిలివేస్తాను ఆ నీతి సూక్తులు ఏమిటో చెప్పు" అన్నాడు.

అప్పుడు  ఆ పిచ్చుక, "అయ్యా కానీ నాది ఒక షరతు, నేను మొదటి సూక్తి నీ చేతిలో చెప్తాను, రెండవది నీ ఇంటి పైకప్పు పై కూచుని చెప్తాను, ఇక మూడవది చెట్టు కొమ్మ మీద కూచుని చెప్తాను అంది."   వేటగాడు సరే అని ఒప్పుకుంటాడు.

పిచ్చుక వేటగాడి చేతిలో కూచుని మొదటి నీతి సూక్తి ఇలా చెప్తుంది ...

1) ఎదుటి వ్యక్తి ఎవరయినా సరే, ఎంత గొప్ప మాటలు చెప్పినా సరే, నీ అనుభవానికి(తర్కానికి) రానంత వరకు ఆ వ్యక్తినీ, ఆ మాటలను నమ్మకూడదు.

అని చెప్పి, వేటగాడి చేతి లో నుండి ఎగిరి వెళ్లి ఇంటి పైకప్పు పై కూచుంటుంది.

అక్కడ నుండి ఫక్కున నవ్వి అంటుంది  "ఓరి మూర్ఖుడా నువ్వు నన్ను ఎవరనుకున్నావు, నా కడుపులో అత్యంత విలువైన మరియు బరువయిన వజ్రం ఉంది, అది తెలుసుకోకుండా నువ్వు నన్ను వదిలివేసావు ." 

అది విన్న వేటగాడు హతాశుడై తన దురదృష్టం తలచుకుని ఏడవటం మొదలుపెడతాడు.

అయ్యో అంత విలువయిన బరువయిన వజ్రాన్ని కోల్పోయానే, ఎంతటి మూర్ఖుడిని నేను అని గట్టి గట్టిగా ఏడవటం మొదలుపెడతాడు. 

అప్పడు  పిచ్చుక అంది, ఓరీ నీవు నిజంగానే మూర్ఖుడివి, నేను ఇంతకు ముందే నీకు చెప్పాను

"ఎదుటి వ్యక్తి ఎవరయినా సరే, ఎంత గొప్ప మాటలు చెప్పినా సరే, నీ అనుభవానికి(తర్కానికి) రానంత వరకు ఆ వ్యక్తినీ, ఆ మాటలను నమ్మకూడదు."

నీ పిడికిలి అంత కూడా లేని నేను, నా కడుపులో బరువయిన వజ్రం ఉందని చెప్తే ఎలా నమ్మేశావు? మూర్ఖుడా, రెండవ నీతి సూక్తి ఏమిటంటే

2) ఎప్పుడూ ఎన్నడూ వెనక్కి తిరిగి చూసుకుని గతంలో జరిగిపోయిన వాటి గురించి అలోచించి చింతించకూడదు బాధ పడకూడదు.

అని చెప్పి ఎగిరి వెళ్లి చెట్టు కొమ్మ పై కూచుంది.

వేటగాడు ఏడుస్తూ అరవటం మొదలుపెట్టాడు. "లేదు, నేను నిన్ను వదిలేసి వజ్రాన్ని పోగొట్టుకున్నాను, నువ్వు నన్ను మోసం చేసావు."

పిచ్చుక వేటగాడిని చూస్తూ అలా కూచుని ఉంది.

కాసేపటికి వేటగాడు తేరుకుని సరే, "ఎప్పుడూ ఎన్నడూ వెనక్కి తిరిగి చూసుకుని గతంలో జరిగిపోయిన వాటి గురించి అలోచించి చింతించకూడదు బాధ పడకూడదు" అని గుర్తు చేసుకుని,  సరే ఇప్పుడు మూడవ సూక్తి ఏమిటో చెప్పు అంటాడు. 

అప్పుడు పిచ్చుక, ఎలాగూ నే చెప్పిన మొదటి రెండు సూక్తులు నీ బుర్రకెక్కలేదు, మూడవది చెప్పటం వల్ల ప్రయోజనం లేదు.

3) నీ మాటలు వినని, అర్థం చేసుకోని వారిపై ఎన్నడూ నీ శక్తినీ, విజ్ఞానాన్ని, సమయాన్ని వృథా చేసుకోవద్దు.

అని మూడవ సూక్తి చెప్పి ఎగిరి వెళ్ళిపోతుంది.

Interesting info - Telugu numbers related to important things

✨☀✨పంచగంగలు✨☀✨
1. గంగ
2. కృష్ణ
3. గోదావరి
4. తుంగభద్ర
5. కావేరి

✨☀✨షడ్గుణాలు✨☀✨

హిందూ సాంప్రదాయం ప్రకారం మనలోని 6 గుణాలుంటాయి.
అవి.
1. కామం
2. క్రోధం
3. లోభం
4. మోహం
5. మదం
6. మత్సరం

✨☀✨షట్చక్రాలు✨☀✨

మానవుని శరీరం లోని వెన్నుపూసలో ఉండే , దిగువ చెప్పిన ఆరు సూక్ష్మ స్థానాలను షట్చక్రాలు అంటారు
1. మూలాధార చక్రము
2. స్వాధిష్ఠాన చక్రము
3. మణిపూరక చక్రము
4. అనాహత చక్రము
5. విశుద్ధ చక్రము
6. ఆజ్ఞా చక్రము

✨☀✨షడ్విధ రసములు✨☀✨
 షడ్విధ రసములు
1. ఉప్పు
2. పులుపు
3. కారం
4. తీపి
5. చేదు
6. వగరు

✨☀✨షడృతువులు✨☀✨

షడృతువులు - ఋతువులు 6
అవి
1. వసంత ఋతువు
2. గ్రీష్మ ఋతువు
3. వర్ష ఋతువు
4. శరదృతువు
5. హేమంత ఋతువు
6. శిశిర ఋతువు

✨☀✨సప్త గిరులు✨☀✨

కలియుగ ప్రత్యక్ష దైవం వెంకటెశ్వర స్వామి కొలువై ఉన్న తిరుపతిలో ఏడు కొండలు కలవు.వీటినే సప్త గిరులు అని అంటారు.
అవి.

1 శేషాద్రి
2 నీలాద్రి
3 గరుడాద్రి
4 అంజనాద్రి
5 వృషభాద్రి
6 నారాయణాద్రి
7 వేంకటాద్రి

✨☀✨సప్త స్వరాలు✨☀✨

మన భారతీయ సంగీతంలో 7 స్వరాలు కలవు.వీటినే సప్త స్వరాలు అని పిలుస్తారు.
అవి.

1. స = షడ్జమం (నెమలి క్రేంకారం)
2. రి = రిషభం (ఎద్దు రంకె)
3. గ = గాంధర్వం (మేక అరుపు)
4. మ = మధ్యమం (క్రౌంచపక్షి కూత)
5. ప = పంచమం (కోయిల కూత)
6. ధ = ధైవతం (గుర్రం సకిలింత)
7. ని = నిషాదం (ఏనుగు ఘీంకారం)

✨☀✨సప్త ద్వీపాలు✨☀✨

బ్రహ్మాండ పురాణములోను, మహాభారతంలోను, భాగవతం సప్త ద్వీపాలగురించి ప్రస్తావన ఉంది.
అవి .
1. జంబూద్వీపం - అగ్నీంద్రుడు
2. ప్లక్షద్వీపం - మేధాతిథి
3. శాల్మలీద్వీపం - వపుష్మంతుడు
4. కుశద్వీపం - జ్యోతిష్మంతుడు
5. క్రౌంచద్వీపం - ద్యుతిమంతుడు
6. శాకద్వీపం - హవ్యుడు
7. పుష్కరద్వీపం - సేవనుడు.

✨☀✨సప్త నదులు✨☀✨

సప్త నదులు
1. గంగ
2. యమున
3. సరస్వతి
4. గోదావరి
5. సింధు
6. నర్మద
7. కావేరి

✨☀✨సప్త అధొలోకములు✨☀✨

1. అతలము
2. వితలము
3. సుతలము
4. తలాతలము
5. రసాతలము
6. మహాతలము
7. పాతాళము

✨☀✨సప్త ఋషులు✨☀✨

1.వశిష్టుడ
2.ఆత్రి
3.గౌతముడు
4.కశ్యపుడు
5.భరద్వాజుడు
6.జమదగ్ని
7.విశ్వామిత్రుడు

✨☀✨పురాణాలలో అష్టదిగ్గజాలు✨☀✨

1. ఐరావతం
2. పుండరీకం
3. వామనం
4. కుముదం
5. అంజనం
6. పుష్పదంతం
7. సార్వభౌమం
8. సుప్రతీకం

✨☀✨అష్ట జన్మలు✨☀✨

1.దేవ జన్మ
2. మనుష్య జన్మ
3. రాక్షస జన్మ
4. పిచాచ జన్మ
5. పశు జన్మ
6. పక్షి జన్మ
7. జలజీవ జన్మ
8. కీటక జన్మ


✨☀✨ అష్ట భార్యలు✨☀✨

శ్రీకృష్ణుడి ఎనిమిది మంది భార్యలును అష్ట భార్యలు లేదా అష్టమహిషులు అని అంటారు.
వారు
1. రుక్మిణి
2. సత్యభామ
3. జాంబవతి
4. మిత్రవింద
5. భద్ర
6. సుదంత
7. కాళింది
8. లక్షణ

✨☀✨అష్ట కష్టములు✨☀✨

అష్ట కష్టములు
1. ఋణము
2. యాచన
3. ముసలితనము
4. వ్యభిచారము
5. దొంగతనము
6. దారిద్ర్యము
7. రోగము
8. ఎంగిలి తిని బ్రతుకుట

✨☀✨అష్ట కర్మలు✨☀✨

1. స్నానము
2. సంధ్య
3. జపము
4. హూమము
5. స్వాధ్యాయము
6. దేవ పూజ
7. ఆతిధ్యము
8. వైశ్యదేవము

✨☀✨అష్టభాషలు.✨☀✨

1. సంస్కృతము
2. ప్రాకృతము
3. శౌరసేని
4. మాగధి
5. పైశాచి
6. సూళికోక్తి
7. అపభ్రంశము
8. ఆంధ్రము

✨☀✨నవధాన్యాలు✨☀✨

మన నిత్య జీవితంలో ఉపయోగించే 9 రకాల ధాన్యాలను నవ దాన్యాలు అని పిలుస్తారు అవి -
   
గోధుమలు ,వడ్లు  ,పెసలు,
   
శనగలు , కందులు , అలసందలు,
   
నువ్వులు, మినుములు ,ఉలవలు

✨☀✨నవ రత్నాలు✨☀✨

నవ రత్నాలు
1.మౌక్తికం = ముత్యము
2.మాణిక్యం = కెంపు
3.వైఢూర్యం = రత్నం
4.గోమేదికం = పసుపురంగులోని ఒక రత్నం
5.వజ్రం
6.విద్రుమం = పగడం
7.పుష్యరాగం = తెల్లటి మణి
8.మరకతం = పచ్చ
9.నీలమణి

✨☀✨నవధాతువులు✨☀✨

నవధాతువులు
1. బంగారం
2. వెండి
3.ఇత్తడి
4.సీసం
5.రాగి
6.తగరం
7.ఇనుము
8.కంచు
9.కాంతలోహం

✨☀✨నవబ్రహ్మలు✨☀✨

1.మరీచి
2.భరద్వాజుడు
3.అంగీరసుడు
4.పులస్త్యుడు
5.పులహుడు
6.క్రతువు
7.దక్షుడు
8.వసిష్టుడు
9.వామదేవుడు

✨☀✨నవ చక్రములు✨☀✨

మానవ శరీరంలో గల చక్రస్థానాలు.
1. మూలాధార చక్రము
2.స్వాధిష్టాన చక్రము
3.నాభి చక్రము
4.హృదయచక్రము
5.కంఠ చక్రము
6.ఘంటికాచక్రము
7.భ్రూవుచక్రము
8.బ్రహ్మరంధ్రము
9. గగన చక్రము

✨☀✨నవదుర్గలు✨☀✨

నవదుర్గలు
1 శైలపుత్రి దుర్గ
2 బ్రహ్మచారిణి దుర్గ
3 చంద్రఘంట దుర్గ
4 కూష్మాండ దుర్గ
5 స్కందమాత దుర్గ
6 కాత్యాయని దుర్గ
7 కాళరాత్రి దుర్గ
8 మహాగౌరి దుర్గ
9 సిద్ధిధాత్రి దుర్గ

✨☀✨దిశలు✨☀✨

1. తూర్పు
2. ఆగ్నేయం
3. దక్షిణం
4. నైఋతి
5. పడమర
6. వాయువ్యం
7. ఉత్తరం
8. ఈశాన్యం
9.భూమి (క్రింది ప్రక్క)
10.ఆకాశం (పైకి)

✨☀✨దశావతారాలు✨☀✨

1. మత్స్యావతారము
2. కూర్మావతారము
3. వరాహావతారము
4. నృసింహావతారము లేదా నరసింహావతారము
5. వామనావతారము
6. పరశురామావతారము
7. రామావతారము
8. కృష్ణావతారము
9. బుద్ధావతారము
10. కల్క్యావతారము

✨☀✨దశవిధ సంస్కారములు✨☀✨

1. వివాహము
2. గర్బాదానము
3.పుంసవనము
4.సీమంతము
5.జాతక కర్మ
6.నామకరణము
7.అన్న ప్రాశనము
8.చూడకర్మ
9.ఉపనయనము
10.సమావర్తనము

✨☀✨దశవిధ బలములు✨☀✨

1. విద్యా బలము
2.కులినితా బలము
3.స్నేహ బలము
4.బుద్ది బలము
5.ధన బలము
6.పరివార బలము
7.సత్య బలము
8. సామర్ద్య బలము
9. జ్ఞాన బలము
10. దైవ బలము

పేను - పెసర చేను కధ - Penu Pesara chenu kadha

అనగా అనగా ఒక పేను ఉంది. అది పెసర చేను వేసుకుంది. ఆ చేను బాగా ఏపుగా పెరిగింది. గుత్తులు గుత్తులుగా పెసర కాయలు కాసింది .

ఆ దారిలో ఒకరోజు ఆ ఊరి రాజుగారు వెళుతూ ఆ పెసర చేను చూసారు. "అబ్బా! చాలా బాగా పెరిగింది. " అని
ఆ చేను ఎవరిదో వాకబు చేసారు. అక్కడే ఉన్నవాళ్ళు ఆ చేను పేనుది అని చెప్పారు .

రాజుగారు వెంటనే "పేనుదా!" అని పరిహాసంగా నవ్వుతూ మొత్తం చేను భటులతో కోయించుకొని తనతో తీసుకు వెళ్లారు. రాజుగారు వెళ్ళిన కొంతసేపటికి అక్కడికి పేను వచ్చి, జరిగిన విషయం తెలుసుకొని దాని ఏపుగా పెరిగిన చేను రాజుగారు అన్యాయంగా తీసుకువెళ్ళారు అని భాద పడింది.

అప్పుడు పేను రాజుగారిమీద ఎలాగైనా పగ తీర్చుకోవాలి అనుకుంది. అది రాజుగారి దగ్గరకి వెళ్ళాలి అని అనుకోని - దాని పొలం లో కింద పడి మిగిలిపోయిన పెసలు ఏరుకొని నాలుగు పెసరట్లు వేసుకుంది ప్రయాణంలో తినటం కోసం.

మర్నాడు ఉదయాన్నే లేచి ఆ నాలుగు పెసరట్లు పట్టుకొని, అందులో ఒక అట్టు తింటూ ప్రయాణం మొదలు పెట్టింది. అలా వెళ్ళగా వెళ్ళగా,  దానికి ఒక తేలు కనిపించింది.

ఆ తేలు "పేను బావా, పేను బావా! ఎక్కడికి వెళుతున్నావు?" అని అడిగింది. అప్పుడు పేను దాని ఏపుగా పెరిగిన పెసర చేను రాజుగారు కోసుకు పోయారు, మగిలిపోయిన పెసలుతో నాలుగు పెసరట్లు వేసుకొని ఒకటి తింటూ , పగ తీర్చుకోటానికి వెలుతున్నాను అని చెప్పింది. వెంటనే పేనుతో తేలు నాకూ ఒక అట్టు ఇస్తే, నీకు నేను సహాయంగా వస్తాను  అని అంది. అప్పుడు పేను దానికి ఒక అట్టు ఇచ్చింది.  పేను, తేలు కలిసి  ప్రయాణం చెయ్యటం మొదలు పెట్టాయి.

అలా వెళ్ళగా వెళ్ళగా,  వాటికి ఒక పాము కనిపించింది.
ఆ పాము "పేను బావా, తేలు బావా! ఎక్కడికి వెళుతున్నారు?" అని అడిగింది.అప్పుడు పేను దాని ఏపుగా పెరిగిన పెసర చేను రాజుగారు కోసుకు పోయారు, మగిలిపోయిన పెసలుతో నాలుగు పెసరట్లు వేసుకొని ఒకటి తింటూ , ఒకటి తేలు కి ఇచ్చి పగ తీర్చుకోటానికి వెలుతున్నాను అని చెప్పింది. వెంటనే పేనుతో పాము నాకూ ఒక అట్టు ఇస్తే, నీకు నేను సహాయంగా వస్తాను  అని అంది. అప్పుడు పేను దానికి ఒక అట్టు ఇచ్చింది.  పేను, తేలు, పాము కలిసి  ప్రయాణం చెయ్యటం మొదలు పెట్టాయి. 

అలా వెళ్ళగా వెళ్ళగా వెళ్ళగా,  వాటికి ఒక పెద్ద పులి కనిపించింది.
ఆ పెద్ద పులి "పేను బావా, తేలు బావా, పాము బావా! ఎక్కడికి వెళుతున్నారు?" అని అడిగింది.అప్పుడు పేను దాని ఏపుగా పెరిగిన పెసర చేను రాజుగారు కోసుకు పోయారు, మగిలిపోయిన పెసలుతో నాలుగు పెసరట్లు వేసుకొని ఒకటి తింటూ , ఒకటి తేలు కి ఇచ్చి, ఒకటి పాముకి ఇచ్చి, పగ తీర్చుకోటానికి వెలుతున్నాను అని చెప్పింది. వెంటనే పేనుతో పెద్ద పులి నాకూ ఒక అట్టు ఇస్తే, నీకు నేను సహాయంగా వస్తాను  అని అంది. అప్పుడు పేను దానికి ఒక అట్టు ఇచ్చింది.  పేను, తేలు, పాము, పెద్ద పులి వాటి వాటి రొట్టెలు తింటూ ప్రయాణం చేస్తూ వుండగా కొంతసేపటికి అవి రాజుగారి కోటకి చేరాయి. 

అప్పుడు పేను - తేలు, పాము, పెద్ద పులిలతో ఇలా అంది. 
"మిత్రులారా! నేను చెప్పినట్టు చెయ్యండి.  పెద్ద పులి బావా! నువ్వు కోట ముఖద్వారం దగ్గర నిలబడు, రాజుగారు ఇక్కడికి వస్తే నువ్వు నమిలి మింగేయి - పాము బావా నువ్వు ఆ కర్రల కట్ట కింద దాక్కో! రాజుగారు అటు వస్తే కరిచేయి - ఇంక తేలు బావా నువ్వు రాజుగారి అద్దం దగ్గర వున్న దువ్వెన కింద దాక్కో! రాజుగారు దువ్వెన కోసం వస్తే కుట్టేయి. "

ఇలా చెప్పి తేలు రాజుగారు పడుకునే వరకూ నిరీక్షించి అప్పుడు గడ్డం లో దూరి కుట్టడం మొదలు పెట్టింది. పేనుని వదిలించుకోటానికి రాజుగారు దువ్వెన కోసం వెళ్ళితే అక్కడ వున్న తేలు అతన్ని కుట్టింది. తేలుని చంపటానికి కర్ర కోసం రాజుగారు వెళ్లేసరికి అక్కడ వున్న పాము అతన్ని కరిచింది. పాము మంత్రం వేయించుకోటానికి కోట బయటకి వచ్చేసరికి అక్కడ వున్న పులి అతన్ని నమిలి మింగేసింది.

అలా పేను పగ తీరింది!

-------------------------

ఈ కధలో చిన్న స్థాయిలో వున్నవాళ్ళు కూడా పెద్దవాళ్ళని ఎలా ఇబ్బంది పెట్టగలరో తెలుస్తుంది . అదే విధంగా పేను లాంటి చిన్న వాళ్ళని పెద్ద స్థాయిలో వున్నవాళ్ళు ఇబ్బందిలకి గురి చెయ్యకూడదు అని కూడా అర్ధమవుతుంది.

పేను తన పగ తీర్చుకోటానికి ఏవిధంగా తన పెసరట్లు పంచి పాము, తేలు, పెద్ద పులిలని తనవైపు తిప్పుకుందో కూడా గమనించాలి.

కధ కంచికి - మనం ఇంటికి!

Where the Mind is without Fear

This is good poem for kids to learn and understand, by Sri Rabindranath Tagore.
It also explains the importance of how one should live his life. So thought it is important to teach to kids.

 

 

Where the mind is without fear and the head is held high

 Where knowledge is free

 Where the world has not been broken up into fragments

 by narrow domestic walls

 Where words come out from the depth of truth

 Where tireless striving stretches its arms towards perfection

 Where the clear stream of reason has not lost its way
 into the dreary desert sand of dead habit

 Where the mind is led forward by thee
 into ever-widening thought and action

 Into that heaven of freedom, my Father, let my country awake.

తెలుగు లో:

ఓ పరమాత్మా,
 ఎక్కడైతే భయము లేకుండా తలెత్తుకొని తిరగగలుగుతారో,

ఎక్కడైతే జ్ఞానము సంపాదించటానికి ఏవిధమైన  నష్టము అనుభవించవలసిన అవసరము లేదో,

ఎక్కడైతే మనుషులు సన్నటి గోడలతో విడిపోయి వుండరో,

ఎక్కడైతే మాటలు నిజపు లోతుల నుంచి పుడతాయో,

ఎక్కడైతే నిస్తేజం లేని శ్రమ పరిపూర్ణత సాధించటానికి దాని చేతులను చాచుతూ వుంటుందో,

ఎక్కడైతే హేతుభద్దత అనే ప్రవాహం దాని దారి తప్పి నిరుత్సహకమైన, ఉపయోగము లేని ఎడారి ఇసుక లాంటి అలవాట్లు  మధ్య ప్రవహించకుండా వుంటుందో,

ఎక్కడైతే ఎప్పటికీ వికసిస్తున్నఆలోచనలు, కర్తవ్యం దిశగా ఎల్లప్పుడూ నీ చేత నడిపించబడతాయో,

అటువంటి  స్వేచ్చ అనే స్వర్గోదయంలోకి నా దేశప్రజలను నిద్రలేపు!
 

Vemana Padyamulu

ఓ విశ్వద, అభిరామ, వేమన వినండి :

Listen O’ Viswada, Abhirama and Vemana:

       

1.

చిత్త శుద్ది కలిగి చేసిన పుణ్యంబు

కొంచెమైన నదియుఁ కొదువగాదు

విత్తనంబు మఱ్ఱివృక్షంబునకు నెంత

విశ్వదాభిరామ వినుర వేమ!

మనసు పెట్టి చేసే ఏ చిన్న మంచి పని ఫలితం లేకుండా వుండదు, ఉపయోగమవుతుంది. అది ఏవిధము గా అంటే చిన్న విత్తనము నుంచే పెద్ద మర్రి చెట్టు పుట్టినట్టు.

Even a small good deed done with whole heartedness will not get wasted and gives results. For example, the big baniyan tree is born from a seed which is very small compared to the size of the tree.

2.

ఆత్మశుద్ధి లేని ఆచారమది ఎలా?

భాండశుద్ధి లేని పాకమేల?

చిత్తశుద్ధి లేని శివపూజలేలరా?

విశ్వదాభిరామ వినుర వేమ!

ఏ ఆచరమైనా ఆత్మ కి అనగా మనసుకి శుద్ధి అనగా మంచి చెయ్యాలి. అలా చెయ్యని ఆచారము అవసరము ఏమిటి?

గిన్నెలు కడుక్కోకుండా ఆ గిన్నెలో చేసుకున్న అన్నము ఉపయోగము ఏమిటి?

మనసు పెట్టి చెయ్యని దేముడి పూజల ఉపయోగము ఏమిటి?

Any custom that is being followed should yeald comfort to the soul. What is the use of the customs that do not provide comfort to soul?

What is the use of food cooked in the vessels which are not washed?

What is the use of praying to God, when there is no focus on those prayers and the God?

3.

గంగిగోవు పాలు గరిటడైనను చాలు

కడివెడైననేమి ఖరము పాలు

భక్తి కలుగు కూడు పట్టెడైననుచాలు

విశ్వదాభిరామ వినుర వేమ!

ఆవు పాలు గరిటడైనా రుచిగా వుంటాయి వాటిని తాగవచ్చు. గాడిద పాలు పెద్ద బిందె తో తెచ్చినా ఏమి ఉపయోగము వుంటుంది?

అదేవిధంగా కడుపు నిండడానికి ఏవో తినకుండా మంచి భోజనము కొంచెము తిన్నా సరిపోతుంది.

A small cup of cow milk tastes better than the taste of having lot of donkey’s milk. Similarly having a small amount of food cooked by a person who likes to feed you is better than eating everthing that is available.

Telugu Small Story- Eedu chepala kadha - రాజు గారి పిల్లలు - ఏడు చేపలు కధ

అనగా అనగా ,

ఒక వూరిలో ఒక రాజుగారు వున్నారు. ఆ రాజు గారికి ఏడుగురు కొడుకులు వున్నారు. 

ఏడుగురు కొడుకులూ ఒక రోజు చెరువుకి వెళ్లి ఏడు చేపలు పట్టి తెచ్చి ఎండలో పెట్టారు.

సాయంత్రం చూసేసరికి ఆ ఏడు చేపల్లో ఒక చేప ఎండలేదు.

"చేపా చేపా ఎందుకు ఎండలేదు ?" అని అడిగారు ఆ రాజుగారి కొడుకులు.

"నాకు గడ్డి వాము అడ్డు వచ్చింది" అని అంది ఆ చేప.

అప్పుడు రాజుగారి కొడుకులు గడ్డి వాము దగ్గరకి వెళ్లి "గడ్డి వాము గడ్డి వాము, ఎందుకు అడ్డు వచ్చావు?" అని అడిగారు.

అప్పుడు గడ్డి వాము "నన్ను ఆవు మేయ లేదు" అని అంది.

అప్పుడు రాజుగారి కొడుకులు ఆవు దగ్గరకి వెళ్లి "ఆవూ  ఆవూ, నువ్వు గడ్డివాముని  ఎందుకు మేయ్యలేదు?" అని అడిగారు.

అప్పడు ఆవు  "పెయ్య పాలు తాగలేదు" అని అంది.

అప్పుడు రాజుగారి కొడుకులు పెయ్య దగ్గరకి వెళ్లి "పెయ్యా పెయ్యా, నువ్వు పాలు ఎందుకు తాగలేదు?" అని అడిగారు.

అప్పడు పెయ్య "పాలెగాడు నన్ను వదలలేదు" అని అంది .

అప్పుడు రాజుగారి కొడుకులు పాలెగాడు దగ్గరకి వెళ్లి "పాలెగాడా పాలెగాడా, నువ్వు పెయ్యని ఎందుకు వదలలేదు?" అని అడిగారు.

అప్పుడు పాలెగాడు "పాప ఏడ్చింది" అని అన్నాడు

అప్పుడు రాజుగారి కొడుకులు పాప దగ్గరకి వెళ్లి "పాపా పాపా, నువ్వు ఎందుకు ఎడ్చావు?" అని అడిగారు.

అప్పుడు పాప "నన్ను చీమ కుట్టింది" అని చెప్పింది.

అప్పుడు రాజుగారి కొడుకులు పాప దగ్గరకి వెళ్లి "చీమా చీమా, నువ్వు పాపని ఎందుకు కుట్టావు?" అని అడిగారు.

అప్పుడు చీమ ఏమనింది అంటే ... ఏమనింది అంటే ... "నా బంగారు పుట్టలో వేలు పెడితే నేను కుట్టనా?"

అప్పుడు రాజుగారి పిల్లలకి ఒక సమస్య వెనక ఎన్నో సమస్యలు, కారణాలు వుంటాయి అని అర్ధమయ్యింది.

గమనిక: ఈ కధ లో పిల్లల మది లో ప్రశ్నలు ఎలా వస్తాయో, వాళ్ళకి కారణాలు తెలుసుకోవాలి అన్న అభిలాష ఎలా వుంటుందో పెద్దవాళ్ళకి అర్ధమవుతుంది.



 

Eega Telugu Small Story - పేరు మరిచిపోయిన ఈగ కధ

ఇది ఇంకో కధ పిల్లలకి నచ్చుతుంది :

అనగా అనగా,

ఒక వూరిలో ఒక ఈగ వుండేది . అది ఇల్లు అలుకుతూ పేరు దాని మరిచిపోయంది.

అపుడు అది ఒక పేదరాశి పెద్దమ్మ దగ్గరకి వెళ్లి "పెద్దమ్మా పెద్దమ్మా ! నా పేరు ఏంటి అని అడిగింది".
అపుడు ఆ పేదరాశి పెద్దమ్మ "ఏమో ! నాకు తెలీదు ! అక్కడ చెట్టుని  కొడుతున్న మా అబ్బాయిని అడుగు" అని అంది .

అపుడు ఆ ఈగ పేదరాశి పెద్దమ్మ కొడుకు దగ్గరకి వెళ్లి "పేదరాశి పెద్దమ్మా - పెద్దమ్మ కొడుకా - నా పేరు ఏంటి?" అని అడిగింది .

అపుడు వాడు "ఏమో ! నాకు తెలీదు ! నా చేతిలో వున్న గొడ్డలిని అడుగు" అని అన్నాడు.

 అపుడు ఆ ఈగ గొడ్డలి దగ్గరకి వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - నా పేరు ఏంటి?" అని అడిగింది

అపుడు ఆ గొడ్డలి  "ఏమో ! నాకు కూడా తెలీదు ! నేను కొడుతున్న చెట్టును అడుగు" అని అంది.

అపుడు ఆ ఈగ చెట్టు మీద వాలి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - నా పేరు ఏంటి?" అని అడిగింది.

అపుడు ఆ చెట్టు "ఏమో ! నాకూ తెలీదు ! నా మీద వాలి వున్న పిట్టలని  అడుగు" అని అంది.

అపుడు ఆ ఈగ చెట్టు మీద వాలి వున్న పిట్టల దగ్గరకి వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - చెట్టు మీద వాలిన పిట్టలార - నా పేరు ఏంటి?" అని అడిగింది.

అప్పుడు ఆ పిట్టలు  "ఏమో ! మాకూ తెలీదు ! మమ్మల్ని పట్టుకోటానికి వచ్చే వేటగాళ్ళని అడుగు" అని అన్నాయి .
 
అపుడు ఆ ఈగ వేటగాళ్ళ దగ్గరకి  వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - చెట్టు మీద వాలిన పిట్టలార - పిట్టలని పట్టుకోటానికి వచ్చిన వేటగాళ్ళారా నా పేరు ఏంటి?" అని అడిగింది.

అప్పుడు ఆ  వేటగాళ్ళు  "ఏమో ! మాకూ తెలీదు ! మాకు వంట చేసి పెట్టె అమ్మలక్కలని అడుగు" అని అన్నారు.

అపుడు ఆ ఈగ అమ్మలక్కల దగ్గరకి వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - చెట్టు మీద వాలిన పిట్టలారా - పిట్టలని పట్టుకోటానికి వచ్చిన వేటగాళ్ళూ- వేటగాళ్ళకి వంట చేసి పెట్టె అమ్మలక్కలారా నా పేరు ఏంటి?" అని అడిగింది.

అప్పుడు ఆ  అమ్మలక్కలు  "ఏమో ! మాకూ తెలీదు ! ఇప్పుడే రాజుగారు వచ్చి అన్నం తిని అక్కడ పడుకున్నారు, ఆయన్ని అడుగు" అని అన్నారు.

అపుడు ఆ ఈగ రాజు గారి దగ్గరకి వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - చెట్టు మీద వాలిన పిట్టలారా - పిట్టలని పట్టుకోటానికి వచ్చిన వేటగాళ్ళూ- వేటగాళ్ళకి వంట చేసి పెట్టే అమ్మలక్కలు - అమ్మలక్కలు చేసిన వంట తిన్న రాజుగారూ -  నా పేరు ఏంటి?" అని అడిగింది.

అప్పుడు ఆ  రాజు గారు  "ఏమో ! నాకు తెలీదు ! నేను ఎక్కి వచ్చిన గుఱ్ఱం ని అడుగు" అని అన్నారు.

అపుడు ఆ ఈగ రాజు గారి దగ్గరకి వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - చెట్టు మీద వాలిన పిట్టలారా - పిట్టలని పట్టుకోటానికి వచ్చిన వేటగాళ్ళూ- వేటగాళ్ళకి వంట చేసి పెట్టే అమ్మలక్కలు - అమ్మలక్కలు చేసిన వంట తిన్న రాజుగారూ -  రాజుగారు ఎక్కి వచ్చిన గుఱ్ఱమా - నా పేరు ఏంటి?" అని అడిగింది.

అప్పుడు ఆ గుఱ్ఱం "ఏమో ! నాకేమీ తెలీదు ! నా బొజ్జలో ఉన్న గుఱ్ఱం పిల్లని అడుగు" అని అంది .

అపుడు ఆ ఈగ గుఱ్ఱం బొజ్జ మీద వాలి వెళ్లి "పేదరాశి పెద్దమ్మా - పెద్దమ్మ కొడుకా - పెద్దమ్మ కొడుకు చేతులో గొడ్డలా - గొడ్డలి కొడుతున్న చెట్టా - చెట్టు మీద వాలిన పిట్టలారా - పిట్టలని పట్టుకోటానికి వచ్చిన వేటగాళ్ళూ- వేటగాళ్ళకి వంట చేసి పెట్టే   అమ్మలక్కలు - అమ్మలక్కలు చేసిన వంట తిన్న రాజుగారూ -  రాజుగారు ఎక్కి వచ్చిన గుఱ్ఱమా - గుఱ్ఱం బొజ్జలో పిల్లా నా పేరు ఏంటి?" అని అడిగింది.

అప్పుడు ఆ గుఱ్ఱం పిల్ల "ఇహి... ఇహీ .. ఇహీ ... ఈగ "... అని అంది .

ఈగ కి దాని పేరు గుర్తుకి వచ్చి "నా పేరు ఈగ, నా పేరు ఈగ, నా పేరు ఈగ" అనుకుంటూ ఇల్లు అలుక్కోటానికి ఎగురుకుంటూ వెళిపోయింది.
 





.

Small Stories (చిట్టి కధలు) - Mirapakaya Pottodu (మిరపకాయ్ పొట్టోడు)

ఈ కధ మా పిల్లలకి చాల  ఇష్టం. మీ పిల్లలకు కూడా నచ్చుతుంది అనుకుంటున్నాను. 

అనగనగా ఒక ఊర్లో ఓ మిరపకాయ్ పొట్టోడు ఉండేవాడు. ఆ మిరపకాయ్ పొట్టోడు రోజూ తనకున్న సొరకాయంత సైకిలెక్కి ఊర్లోకి వెళ్లి కష్టపడి పని చేసి బోలెడు డబ్బులు సంపాదించి బాదంకాయంత బంగారం కొనుక్కుని తన ఈతకాయంత ఇంట్లో ఉన్న గచ్చకాయంత గదిలో ఓ మూలన ఉన్న బీరకాయంత బీరువాలో, తను సంపాదించిన ఆ బాదంకాయంత బంగారాన్ని దాచిపెట్టి, ఆ బీరకాయంత బీరువాకి తాటికాయంత తాళం వేసాడు. 

ఓ రోజు మిరపకాయ్ పొట్టోడు తన సొరకాయంత సైకిలెక్కి పని మీద బయటికి వెళ్ళినప్పుడు ఓ దోసకాయంత దొంగ మిరపకాయ్ పొట్టోడి ఈతకాయంత ఇంట్లోకి వచ్చి, గచ్చకాయంత గదిలో, ఓ మూలన ఉన్న బీరకాయంత బీరువాకి ఉన్న తాటికాయంత తాళం పగలగొట్టి, అందులో ఉన్న బాదంకాయంత బంగారాన్ని తీసుకుని పారిపోతాడు. 

ఆ రోజు సాయంత్రానికి మిరపకాయ్ పొట్టోడు తన ఈతకాయంత ఇంటికొచ్చి,  గచ్చకాయంత గదిలోకెళ్ళి,  బీరకాయంత బీరువాకున్న తాటికాయంత తాళం పగలగొట్టేసి అతను దాచుకున్న బాదంకాయంత బంగారం పోయిందని తెలుసుకుని, వెంటనే పోలీస్ స్టేషన్ కి వెళ్లి అక్కడున్న పొట్లకాయంత పోలీసుకి ఫిర్యాదు చేస్తాడు.

వెంటనే, ఆ పొట్లకాయంత పోలీసు తనకున్న మావిడికాయంత మోటారు సైకిలెక్కి వెళ్లి దోసకాయంత దొంగోడిని వెతికి పట్టుకుని, వాడి దగ్గరున్న బాదంకాయంత బంగారాన్ని తీసుకొని మిరపకాయ పొట్టోడికి ఇచ్చి,
ఆ దోసకాయంత దొంగోడిని నాలుగు తన్ని జామకాయంత జైల్లో పడేస్తాడు.

అప్పుడు మిరపకాయ పొట్టోడు తన సొరకాయంత సైకిలెక్కి, తన ఈతకాయంత ఇంటికెళ్ళి, గచ్చకాయంత గదిలో ఓ మూలనున్న బీరకాయంత బీరువాలో బాదంకాయంత బంగారాన్ని దాచిపెట్టి, దానికి తిరిగి తాటికాయంత తాళం వేస్కుని దాచేస్తాడు. 

ఇదీ కధ!   

Benefits of planting a tree

1. Trees are planted to provide shade. They also beautify the surroundings and used for landscaping.

2. Trees release water vapor into the atmosphere. This helps in keeping the atmosphere cool.

3. Trees provide oxygen needed by all living beings.

4. Leaves and roots of some trees can be used a medicine.

5. Trees will have calming effect on people. So trees planted on road sides will be helpful in easing traffic problems.

6. Trees can compliment and enrich the design of buildings and spaces.

7. Trees provide shelter to many birds, insects and animals.

8. Trees improve air quality by filtering harmful dust and pollutants such as carbon monoxide, sulfur dioxide.

9. Trees can feed people.

10. Tree shades save water reducing water evaporation in the areas where the shade is present.

11. Trees prevent soil erosion by holding the soil tightly.

12. Trees use carbon dioxide to make their food, and provide oxygen to us.

 

Telugu Moral Story - మేకపోతు గంభీర్యం

అనగా అనగా ,

అడవికి వెళ్ళిన మేకల మంద నుండి ఒక మేకపోతు తప్పిపోయినది. ఎంత వెతికినా ఆ  మేకపోతు ఆ మందకి కనిపించలేదు.

రాత్రి అయింది.  మేకపోతుకు దారి తెలీలెదు. అటు ఇటు తిరుగుతూ చివరకి ఒక కొండ గుహ కనపడితే లోపలకి పోయి పడుకుంది,

ఆ గుహలో ఒక సింహం నివసిస్తూ ఉండేది. ఆ సింహం కొంతసేపటికి ఆ గుహకి వచ్చి అక్కడ పడుకున్న వేరే జంతువుని చూసింది. చీకట్లో మేకపోతు కళ్ళు మిల మిలా మెరుస్తూ వున్నాయి. పెద్ద గడ్డము రెండు కొమ్ములు ఉన్న ఆ వింత జంతువుని చూస్తే సింహానికి భయం వేసింది.

ఆ వింత జంతువు తనని చంపటానికి వచ్చిందేమో అనుకొని సింహం గుహలోకి వెళ్ళకుండా బయటే నిలబడిపోయింది.

మేకపోతుకి కూడా సింహాన్ని చూసేసరికి భయం వేసింది. కాని సింహం కూడా తనని చూసి భయపడుతోంది అని కనిపెట్టింది మెకపొతు. ఎలా తప్పించుకోవాలా అని ఆలోచిస్తూ రాత్రి అంతా గడిపేసింది మేకపోతు.

తెల్లారుతుండగా మేకపోతు ధైర్యం కూడగట్టుకొని గుహ ముందుకు వచ్చి "ఎవరు నువ్వు?" అని గట్టిగా అడిగింది సింహాన్ని. సింహం "నేను సింహాన్ని, మృగ రాజును" అనింది.

అప్పుడు మేకపోతు "ఓహో నువ్వేనా ? ఆ సింహానివి, ఆ మృగ రాజువి, భలే దొరికావు - నీ గురించే వెతుకుతున్నాను చాల రోజుల నుంచీ, ఇప్పటికి దొరికావు - నేను ఇప్పటికే వెయ్య ఎనుగులని , వంద పులులని చంపాను, కాని ఇప్పటివరకు సింహాన్ని చంపలేదు - సింహాన్ని చంపేవరకు నా గడ్డాన్ని తీయనని ప్రతిజ్ఞ చేశాను - ఇప్పటికి దొరికావు - నిన్ను చంపి నా దీక్ష పూర్తి చేస్తాను - ఈ గడ్డానికి విముక్తి కలిగిస్తాను " అని అంటూ ఒక్కసారిగా ముందుకి దూకింది .

అది చూసి సింహం హడలిపోయింది. హడలిపోయిన సింహం అక్కడనుంచి పారిపోయింది.

బ్రతుకు జీవుడా - అని అక్కడనుంచి మేకపోతు వెళ్లి మందలో కలిసిపోయింది.


నీతి : బలహీనులు కూడా ఒక్కోసారి బలవంతులని ఉపాయం తో ఎదుర్కోవచ్చు. 



    
 

Vemana Padyamulu - Part 1 (వేమన పద్యములు, భాగము - 1)

1	ఉప్పుగప్పురంబు న్రొక్కపోలికనుండు చూడచూడ రుచుల జాడవేరు పురుషులందు పుణ్య పురుషులువేరయ విశ్వదాభిరామ వినుర వేమ

2	గంగిగోవు పాలు గరిటడైనను చాలు కడివెడైన నేల ఖరముపాలు భక్తికలుగు కూడు పట్టెడైననుజాలు విశ్వదాభిరామ వినుర వేమ

3	ఆత్మ శుద్దిలేని యాచార మదియేల భాండ సుద్దిలేని పాకమేల చిత్తశుద్దిలేని శివపూజ లేలరా విశ్వదాభి రామ వినుర వేమ

4	అల్పుడెపుడు బల్కు నాడంబరముగాను సజ్జనుండు పలుకు చల్లగాను కంచుమ్రోగినట్లు కనకంబుమ్రోగునా విశ్వదాభిరామ వినురవేమ.

5	అనగ ననగ రాగ మతిశయిల్లుచునుండు తినగ తినగ వేము తీయగనుండు సాధనమున పనులు సమకూరు ధరలోన విశ్వదాభిరామ వినుర వేమ

6	ఇనుము విరిగెనేని యినుమారు ముమ్మారు కాచి యతుకనేర్చు గమ్మరీడు మనసు విరిగినేని మరియంట నేర్చునా? విశ్వదాభిరామ వినురవేమ

7	ఎలుగుతోలు తెచ్చి యెన్నాళ్ళు నుదికిన నలుపు నలుపేకాని తెలుపు కాదు కొయ్యబొమ్మదెచ్చి కొట్టిన పలుకునా? విశ్వదాభిరామ వినురవేమ

8	ఆపదైన వేళ నరసి బంధుల జూడు భయమువేళ జూడు బంటుతనము పేదవేళ జూడు పెండ్లాము గుణమును విశ్వదాభిరామ వినురవేమ

9	చిప్పలోనబడ్డ చినుకు ముత్యంబయ్యె నీట బడ్డ చినుకు నీట గలిసె బ్రాప్తి గలుగు చోట ఫలమేల తప్పురా విశ్వదాభిరామ వినురవేమ

10	చిక్కియున్న వేళ సింహంబునైనను బక్కకుక్క కరచి బాధచేయు బలిమి లేనివేళ బంతంబు చెల్లదు విశ్వదాభిరామ వినురవేమ

 

Telugu Basics - Telugu Letters ( తెలుగు అక్షరములు )

Telugu Letters (తెలుగు అక్షరములు):

Vowels - 16

Consonants -  38

Vowel & Consonants - 3

See the image for more details.

తెలుగులో 57 అక్షరములు వున్నాయి.

అచ్చులు - 16

హల్లులు  - 38

ఉభయాక్షరములు  - 3

 

Telugu Basics - Gunintamulu, Vattulu (తెలుగు గుణింతములు మరియు వత్తులు)

Take help from parents to understand more.

తెలుగు గుణింతములు మరియు వత్తులు :

1. కూడిక పదములు

2. హల్లులుతో కలియునప్పుడు అచ్చులకు వచ్చే రూపభేధములు, వాని నామములు 

3. హల్లుల వత్తులు

 

Names of Stars in Telugu (తెలుగులో నక్షత్రముల పేర్లు)

There are 27 stars as per Panchangam. Each star has it's own name. Following table lists all star's names and their corresponding western star name.

తెలుగులో ఇరువై ఏడు (27) నక్షత్రముల పేర్లు కలవు:

Telugu name	Western star name
తెలుగు
Aśvinī	β and γ Arietis
అశ్విని
Bharaṇi	35, 39, and 41 Arietis
భరణి
Kṛttika	Pleiades
కృత్తిక
Rōhiṇi	Aldebaran
రోహిణి
Mṛgaśira	λ, φ Orionis
మృగశిర
Arudra	Betelgeuse
ఆరుద్ర
Punarvasu	Castor and Pollux
పునర్వసు
Puṣyami	γ, δ and θ Cancri
పుష్యమి
Aśleṣa	δ, ε, η, ρ, and σ Hydrae
ఆశ్లేష
Makha or Magha	Regulus
మఖ or మాఘ
Pūrva Phalguṇī or Pubba	δ and θ Leonis
పూర్వా ఫల్గుణి or పుబ్బ
Uttara Phalguṇi or Uttara	Denebola
ఉత్తర ఫల్గుణి or ఉత్తర
Hasta	α, β, γ, δ and ε Corvi
హస్త
Cittā or Citrā	Spica
చిత్తా or చిత్రా
Svāti	Arcturus
స్వాతి
Viśākha	α, β, γ and ι Librae
విశాఖ
Anurādhā	β, δ and π Scorpionis
అనూరాధ
Jyeṣṭha	α, σ, and τ Scorpionis
జ్యేష్ఠ
Mūla	ε, ζ, η, θ, ι, κ, λ, μ and ν Scorpionis
మూల
Pūrvāṣāḍha	δ and ε Sagittarii
పూర్వాషాఢ
Uttarāṣāḍha	ζ and σ Sagittarii
ఉత్తరాషాఢ
Śravaṇaṁ	α, β and γ Aquilae
శ్రవణం
Dhaniṣṭha	α to δ Delphinus
ధనిష్ఠ
Śatabhiṣaṁ	γ Aquarii
శతభిషం
Pūrvābhādra	α and β Pegasi
పూర్వాభాద్ర
Uttarābhādra	γ Pegasi and α Andromedae
ఉత్తరాభాద్ర
Rēvati	ζ Piscium
రేవతి